Volve a Subida automovilística de Vilar de Barrio
20:41 11/09/23
20:41 11/09/23
Este ano puntuable para o campionato Galego de Montaña
O fin de semana do 23 e 24 de setembro celebrarase na súa 2ª edición, xa puntuable para o campionato Galego de Montaña a II Subida de Vilar de Barrio.
O trazado será dende o pobo de Borrán ata o cruce de Paradiña no alto do Talariño, que da nome a escudaría organizadora.
O tramo ten 4 Km 800 m pola estrada OU-113 dirección Vilar de Barrio-Verín.
Nesta edición do 2023 contan coa colaboración do Concello e a Deputación, ademais de contar co patrocinio de empresas da Limia.
Haberá novidades interesantes para os afeccionados, pero iránselle comunicando.