miércoles. 06.07.2022
Deportes

Xinzo acolle o III Festival de Inverno

Máis de 350 deportistas daranse cita na capital da Limia.

festivalinverno
Imaxe do cartaz promocional.

Xinzo de Limia acolle unha nova edición do III Festival de Inverno de Ximnasia no pavillón municipal do concello. Terá lugar este xoves, día 8 de decembro, a partir das 12 horas.

Daranse cita neste evento máis de 350 deportistas pertencentes aos clubes Pavillón CXP, Pavillón EXP, E.M Barbadás, E.D. Celanova, E.D Maceda, Club Xiada de Pontevedra e o clube organizador EDC Xinzo. Este último, segundo informan dende a Concellería de Deportes, está a aumentar –unha tempada máis– o seu número de deportistas inscritos, o cal o convirte en "referencia do deporte limián, e da ximnasia a nivel provincial e autonómico con máis de 120 ximnastas".

Dito evento conta coa colaboración do Concello de Xinzo de Limia, a Deputación de Ourense e a Federación Galega de Ximnasia. Como colofón a este primeiro evento deportivo do Nadal limián, haberá sorteos, agasallos e moitas máis sorpresas.

Comentarios