Isaac Vila substitúe ao Chavelleiro
Tranquilos, aínda non é nada oficial. O caso é que se soubo que o domingo pasado, festividade do patrón da Policía...
Tranquilos, aínda non é nada oficial.
O caso é que se soubo que o domingo pasado, festividade do patrón da Policía Local, como é costume os axentes de Xinzo invitaron ao goberno municipal e os mandatarios anteriores. Ao convite, non asistiu o rexedor actual Antonio Rodríguez, pero si o fixo, como xa é tradición, o seu antecesor, Isaac Vila. Un Vila que segundo contan estivo encantado no lunch ofrecido, saudando un por un a todos os presentes, entre os que se encontraban concelleiros actuais. Pero non hai constancia do saúdo ao que se postula como sucesor do Chavelleiro-López Casas- no caso que este (o Chavelleiro) decida abandonar antes de chegar á fin do mandato.