Noite de terror no lugar de A Illa en Entrimo cun lume descontrolado que chegou ás casas

entrimo
Noite de terror no lugar de A Illa en Entrimo cun lume descontrolado que chegou ás casas

O incendio declarado na parroquia de A Illa, en Entrimo, chegou ás vivendas e queimou unha granxa. A superficie afectada é de 2.500 hectáreas.

Ás 7.30 da tarde a Consellería de Medio Rural daba por controlado este incendio pero a situación era ben diferente. A intensidade do lume e o vento non axudaban e as lapas avanzaban con descontrol absoluto. Os veciños e veciñas das aldeas de A Illa e Bouzadrago tiveron que ser desaloxados das súas vivendas como medida de prevención.

Todas as axudas eran poucas para tratar de apagalo e mesmo axentes da Garda Civil de Tráfico se sumaron ó operativo de extinción.

O lume comezou o martes no lugar de Olelas procedente de Portugal. Segundo as últimas estimacións leva arrasadas máis de 500 hectáreas e as lapas chegaron xa a localidade veciña de Lobios.

O incendio segue activo a estas horas e aínda está decretada a situación 2 de risco pola súa proximidade ás vivendas.