24 de enero de 2015, 19:56
Nunha tarde realmente apetecible de sol, os veciños de Xinzo gozaron da emisión en directo do programa da TVG, “Aquí Galicia” . Ata alí achegáronse en primeiro lugar “O Pucho” e “O Rato” acompañados de de dúas rapazas para presentar o domingo fareleiro.
Despois seguiron as actuacións da Banda de Gaitas de Xinzo, o grupo de Gaitas e pandereteiras do Centro Social de Xinzo que dirixe David “O Grelo”. Despois subiron o escenario o grupo folk “AIMIL” para interpretar “O Galo”.
Entre medias José Antonio mestre pasteleiro da pastelería “Pombal” , ensinou a todos os galegos as famosas orellas do entroido e a tamén afamada “bica do entroido”.
