Tarabelo é o nome do cartel que vai representar o Entroido 2016

Esteban Bernárdez de Vigo é o artista que gañou o concurso de carteis do Entroido 2016. Baixo o nome de Tarabelo deseñou a que será a imaxe que represente o festexo e que está pintada a man.

As 20.30 da tarde do venres comezou o reconto dos votos que se emitiron ó longo desta semana na Casa da Cultura de Xinzo e que foron preto de 50. Representantes da comisión Troula de Festa xunto cos asesores técnicos que forman o resto do xurado, desvelaron o nome do gañador.