Patricia F.S
27 de enero de 2016, 10:36
O seu nome é Manuel e estase convertendo no home máis famoso da contorna e xa é un dos temas máis comentados nas redes sociais da Limia.
Este veciño de Trasmiras e de 93 anos, estaba gozando do Oleiro na compañía da súa familia. Por máis dunha vez intentou desprenderse da manta e a chaqueta para poder botar un baile pero os familiares trataron de frealo. Finalmente non puido agardar máis e a música dos gaiteiros provocou que se erguese da súa cadeira de rodas e rematase danzando. A súa idade non impediu que este home pasase un rato máis que agradable e rematou recibindo o aplauso de todo o público e tamén do grupo de músicos.
