Últimos retoques a decoración do Entroido
23:09 22/02/19
23:09 22/02/19
Todo a punto para a noite de corredoiro
Esta tarde, tanto a empresa encargada de montar as carpas,con novidade este ano, como os membros da comisión do Entroido afanábanse para deixar todo listo no tocante a decoración das rúas e prazas para a celebración deste Entroido 2019.
Tal e como anunciaron na presentación este ano as carpas teñen as lonas translúcidas para que non haxa sensación de abafo dentro das mesmas.
Ademais as rúas foron decoradas e engalanadas con motivos diferentes.
Todo está preparado para a noite do corredoiro, onde neste momento e case imposible ter sitio para cear en ningún dos restaurantes da vila, estando todos collidos polas ceas de mulleres.