Beirarrúas perigosas en Baronzás

Ser un peón en Baronzás convértese nun deporte de risco vendo o estado no que se atopan as beirrarúas.

Neste caso a foto que nos chega correspóndese co tramo dirección Morgade.

Como se aprecia na imaxe o espazo reservado para o paso de xente está roto o que supón un perigo para as persoas de a pé, sobre todo as de maior idade.

Así mesmo as herbas e a acumulación de lixo tampouco son un bo complemento para o mal estado no que se atopan as beirarrúas.

Ante todo isto os veciños e veciñas da zona solicítanlle ás autoridades competentes que tomen cartas no asunto e arranxen os desperfectos.