Lobios contará cunha residencia de maiores co apoio da Xunta
19:45 02/08/16
19:45 02/08/16
A alcaldesa de Lobios, María del Carmen Yáñez, mantivo unha xuntanza co conselleiro de Política Social, José Manuel Rey Varela, para presentarlle á Xunta o proxecto da residencia de maiores. O encontro saldouse co apoio da consellería para a construción do edificio.
Ambos mandatarios resaltaron a importancia de sacar adiante políticas destinadas a maiores e á infancia. Nesta liña o Concello de Lobios tamén lle socilitou á Xunta o recurso das novas Casas-Niño orientadas a atender as necesidades de conciliación familiar.
A rexedora e o conselleiro salientaron que sería preciso un incremento de 2.700 horas anuais no Servizo de Axuda no Fogar neste 2016 co fin de dar cobertura á totalidade de poboación que o precisa.