En Puxedo (Lobios) revivirán a Malla
O 14 de agosto
A Asociación Iniciativa xove organiza o próximo día 18 en Puxedo do concello de Lobios unha xornada para \“por en valor\” os \“soutos\” que están abandonados na zona do Xures a vez que pretenden fomentar novas plantacións como unha alternativa económica para os xoves do rural.
A xornada comezará ás 10:30 coa presentación por parte da Indicación Xeográfica Protexida (IXP) Castaña de Galicia sobre os tratamentos silvícolas do castiñeiro no centro social de Puxedo.
A continuación intervirá o xerente da empresa Castañas Petelo, que xurdiu dunha iniciativa de dous mozos de Allariz que se dedican a transformación da castaña. Rematará a xornada de mañá cun taller –degustación sobre a castaña na gastronomía galega.
Mon Devane reputado grafíteiro ourensá levará a cabo un taller de graffiti a partir das 16:00.
As 17 será a apertura oficial da Feira de Artesanía e Mostra degustación de produtos locais na praza de San Antonio.
REPRESENTACIÓN DA MALLA
Na céntrica aira da Carballa farán a representación da malla con mallos e máquina para unha vez rematado o traballo compartir unha cea con produtos típicos da zona.
A festa continuará pola noite coa animación musical a cargo do grupo folk TRESMAISUN e o narrador Celso F. Sanmartín.