A lenda do parque natural do Xurés é a temática do campamento de verán de O Corgo
O prazo para anotarse remata o vindeiro luns 20 de xuño
O campamento de verán no complexo turístico de O Corgo, en Muíños, céntrase este ano no parque do Xurés. Terá lugar no mes de agosto e está dirixido a rapaces e rapazas de 9 14 anos.
Os participantes poderán gozar de roteiros pola natureza, tirolina, tiro con arco, actividades acuáticas, veladas ou xogos de orientación. O obxectivo é concienciar ós máis novos na defensa da natureza e o patrimonio ourensán.
O campamento que organiza a Deputación de Ourense vaise celebrar en dúas quendas. A primeira delas do 1 ó 7 de agosto para menores de 12 a 14 anos e a outra do 8 ó 14 para os de 9 a 11 anos.
O prazo para anotarse remata o vindeiro luns día 20 de xuño. O prezo por participante é de 88 euros e as inscricións poden facerse na web www.exploraourense.com.