Auga ata onde alcanza a vista
Qumaira e Ruth xunto cas fortes chuvias que trouxeron canda elas inundaron a comarca limiá
REDACCIÓN
redac@dendealimia.com
Soamente se ve auga. Auga por todas partes, ese foi o panorama que nos deixou o paso dos temporais Qumaira e Ruth pola comarca da Limia. A maior parte das terras da Lagoa volven estar, coma antano, inundadas e o río Limia intenta roubarlle terreo a Xinzo. E é que esta chovendo tanto que a capa freática xa non o soporta máis, e botou por fóra.
Clases pasadas por auga
Onte pola mañá os profesores e alumnos do IES Lagoa de Antela atopáronse coa auga polos nocellos. A chuvia destes días e a súa localización en plenas terras da Lagoa provocan que as instalacións de este centro se inunden con relativa facilidade. A máis prexudicada foi como non a planta baixa, onde o salón de actos, a entrada e varias aulas solo son aptas para catiúscas. Desde a dirección aseguraban que haberá que esperar ata o luns para avaliar os danos e valorar se é preciso suspender as clases.
Para os veciños do Lagoa, o IES Cidade de Antioquía, a auga quedaba fóra, anegando soamente o patio exterior.
Se queres ver máis fotos dos efectos dos temporais na Limia, preme aquí para acceder á nosa galería.