Bande móvese pola Terceira Idade
A Asociación Cultural Bandidos Xóvenes organiza un curso de animación e intervención educativa con este colectivo
REDACCIÓN
Twitter: @Dendealimia
A Asociación Cultural Bandidos Xóvenes organiza en colaboración co Concello de Bande un curso monográfico de carácter semipresencial sobre Animación e Intervención Educativa coa Terceira Idade.
As sesións celebraranse no Albergue Municipal e serán impartidas pola Escola de Tempo Libre Xirxilar, os sábados 12 e 26 de abril e 3 e 10 de maio, en horario de 9 a 14 horas. Un total de 50 horas de contidos cunha matrícula a abonar de 50 euros.
Se queres anotarte, podes poñerte en contacto ben coa asociación ou coa escola de tempo libre en calquera destas dúas direccións de correo electrónico: bandidosxovenes@gmail.com ou xirxilar@xirxilar.com.