Caeron as primeiras folerpas do ano pola Limia e o río recuperou o caudal
Durante o luns rexistráronse 40 litros por metro cadrado
A espera foi longa pero chegou a choiva e a neve. A auga escaseaba e moitos ríos, como o Limia, levaban meses practicamente secos. A alarma saltou no mes de decembro no embalse de Lobios que a auga non chegaba ó mínimo cifrado en 340 metros. Con todo esta gran baixada deixou ó descuberto unha aldea que levaba 20 anos sumerxida na auga.
Así as cousas, durante o luns caeron na Limia 40 litros por metro cadrado. 
Volve correr a auga polo río e volveron tamén os parrulos. Por outra banda,o río segue sufrindo os problemas de falta de limpeza. Ó seu paso por Xinzo, pódese apreciar a maleza acumulada en determinadas zonas así como restos de plásticos e bidóns.
Na mañá do martes, moitas localidades da comarca erguéronse coas primeiras nevadas do ano.
Foi o caso de Paradiña, no concello de Sarreaus.
A estrada de Os Blancos tamén amenceu cuberta de neve.
As dez da mañá caían as primeiras folerpas en Xinzo.
Agárdase que nos vindeiros días continúen as precipitacións. A cota de neve permanece hoxe nos 600 metros e irá subindo ata os 1200 para mañá mércores.