CATRO MILLÓNS DOUSCENTOS MIL EUROS PARA O REGADIO DA LIMIA
A Xunta propón esta inversión nos presupostos do 2018
Carlos Gómez Deputado do Partido Popular por Ourense, congratúlase de que a Xunta de Galicia destine nos orzamentos do 2018 CATRO MILLÓNS DOUSCENTOS MIL EUROS para poñer en marcha os Plans de Regadio da Comarca da Limia.
O deputado Ourensán sinala que a Consellería de Medio Rural segue a traballar para por en marcha os Plans de Regadio. A constatación deste compromiso, son a dotación destes catro millos douscentos mil euros nos orzamentos do vindeiro ano.
Carlos Gómez lembra tamén, que para a consecución deste fin creouse a finais do 2016 o Comité de seguimento dos Regadíos da Limia presidido polo director xeral de Desenvolvemento rural, que xa se ten reunido en mais de media ducia de ocasións, este Organismo é unha garantía en si mesmo da consecución do obxectivo do plan de rega Limiao.
A finalidade deste organismo, é, a de poder controlar en primeira instancia as distintas actuacións a levar a cabo, así como ser vía para chegar a acordos entre todos os interesados: Os Concellos afectados de Xinzo de Limia, Porqueira e Trasmiras; As Comunidades de Regantes; O Corpo técnico da Dirección Xeral de Desenvolvemento Rural; E a Asociación de Gandeiros e Agricultores da Limia (ADEGAL).
No presente ano 2017 xa foron orzamentados mais de 1.500.000 euros para poder financiar os proxectos e estudos necesarios para, a tramitación ambiental, análises e estudos previos para os anteproxectos e memorias técnicas, e a redacción definitiva dos proxectos de execución unha vez haxa Declaración de Impacto e informes e directrices finais da Confederación Hidrográfica Miño-Sil, e de Avaliación Ambiental.
Neste intre están en marcha todas as actuacións previas necesarias para executar as obras de mellora e acondicionamento das comunidades de regantes da Limia.
O prazo para comezar as obras dependerá dos tempos de resolución da tramitación ambiental previa, e do resultado final desta coa Declaración de Impacto Ambiental.