Celanova acolle mañá o II Encontro de Casas Museo e Fundacións de escritores de Galicia.
Entre as entidades convocadas destaca a Fundación Carlos Casares.
A Casa dos Poetas en Celanova acolle este sábado 10 de febreiro, ás 12:00 horas, o II Encontro de Casas Museo e Fundacións de escritores de Galicia.
Convocadas as máis de 30 entidades deste tipo no país, están confirmadas a asistencia de representantes de polo menos a metade. A esta reunión asistirá tamén o Secretario Xeral de Cultura, Anxo Lorenzo, para afondar nesta relación colectiva e abordar ideas e propostas máis concretas a través das cales iniciar posibles camiños de colaboración, así como continuar co coñecemento recíproco das propias casas e das actividades que estas desenvolven.
O primeiro encontro tivo lugar 24 de xuño do pasado ano e no marco das actividades do centenario do pasamento de Eduardo Pondal, acudindo á chamada das Fundacións Pondal, Rosalía e Curros Enríquez. A reunión foi nesa ocasión en Ponteceso co fin de facer unha primeira toma de contacto e unha aproximación ao estado da cuestión das Fundacións de Escritores de Galicia, responsables na grande maioría dos casos de Casas Museo ou edificios expositivos con personalidade propia e cunha serie de singularidades que fan que moitas das problemáticas e dos retos de futuro aos que debemos enfrontarnos, sexan comúns.
FUNDACIÓNS CONVOCADAS:
Fundación Eduardo Pondal
Fundación Emilia Pardo Bazán
Fundación Luís Seoane
Fundación W. Fernández Flórez
Fundación Camilo José Cela
Casa Museo Rosalía de Castro
Museo Valle Inclán
Fundación Castelao
Fundación Celso Emilio Ferreiro
Fundación Torrente Ballester
Casa de la Troya
Fundación Manuel María
Fundación Uxío Novoneyra
Fundación Vicente Risco
Fundación Curros Enríquez
Casa Museo Otero Pedrayo
Fundación Losada Diéguez
Fundación Insua dos Poetas
Fundación Carlos Velo
Casa Museo Ramón Cabanillas
Fundación Filgueira Valverde
Fundación Illa Couto
Fundación Penzol
Casa Museo Francisco Fernández del Riego
Fundación Neira Vilas
Casa Museo Francisco y Julio Camba
Casa Natal de Valle Inclán
Fundación Carlos Casares
Fundación Plácido Castro
Fundación López Abente
Fundación Blanco Amor