Desarticulan un punto de venda de droga en Xinzo
A Garda Civil de Ourense detén aos presuntos autores dun delito de tráfico de drogas e desarticula tres puntos de venda
A Comandancia da Garda Civil de Ourense detivo a seis persoas como presuntos autores dun delito de tráfico de drogas e desarticulou tres puntos de venda na provincia.
A denominada Operación Imperio contra a delincuencia organizada e antidroga comezou o pasado venres, 10 de novembro. Ata o momento danse por desarticulados tres puntos de venda de substancias estupefacientes, a pequena e mediana escala, situados no Carballiño, Xinzo de Limia e A Gudiña.
No marco da mesma operación tamén foron detidos seis persoas como presuntos autores do delito de tráfico de drogas: J.V.B (51 anos) veciño A Gudiña; D.B.C. (33 anos) veciño de Barbadás; E.C.G. (27 anos) veciño do Carballiño; S.V.V.M. (33 anos) venezolana e veciña O Carballiño; J.F.R.A. (43 anos) veciño do Carballiño e R.Ou.G. (41 anos) veciño da Mezquita.
Durante os últimos días os axentes realizaron catro rexistros domiciliarios, incautando 9.100 gramos de marihuana e 1.500 gramos de haxix, así como pequenas cantidades de cocaína e heroína, cun valor no mercado total de 30.000 euros e 4 básculas de precisión. Así mesmo interveuse un revólver e abundante munición, dous turismos e unha importante cantidade de diñeiro en metálico.
Os detidos e efectos intervidos foron postos a disposición do Xulgado de Instrución número uno do Carballiño, que determinou o ingreso en prisión para tres dos mesmos.
Dita Operación continúa aberta, non descartándose máis detencións nas próximas horas