Día internacional para a eliminación da violencia contra as mulleres
Os actos comezarán o próximo luns dia 20
O día 25 de novembro celebrase o Día internacional para a eliminación da violencia contra as mulleres, pero os actos programados dende o Concello coa colaboración este ano da Cruz Vermella e o C.D.R. O Viso comezarán o luns día 20.
A coordinación dende está a cargo do Centro de Información ás Mulleres do Concello de Xinzo e irá percorrendo tódolos centros educativos da Vila, para rematar na Praza Maior o propio día 25 a partires das 10:00 cunha mesa de información e sensibilización.
A partir das 12:00 darase lectura a un manifesto e pola tarde as 16:00 celebrarase un partido de futbol, do que xa demos información no noso medio.
Rematarán as celebracións as 19:30 coa representación dunha obra teatral de tan so 15 minutos de duración \“Angustia Fabricada\” interpretada por Carla Fenández e Aarón Gallego.
ACTOS NOS CENTROS EDUCATIVOS
Nos centros de primaria os actos levaranse a cabo os días 20,21,22 e 23 e o 24 nos de secundaria. Os conceptos a traballar polo alumnado serán os relativos a a coeducación, igualdade e prevención da violencia.
Así mesmo os días 22 e 23 impartiranse dous obradoiros \“ Educando dende a igualdade de xénero\” na aula Cemit da Casa de Cultura e o segundo na academia Zero.
As inscricións a estes talleres realizarase no CIM de Xinzo.