A Escola de Saúde Rural da Limia propón un achegamento á naturopatía
O obradoiro impartirase o próximo xoves e centrarase na alimentación, a saúde e o equilibrio
REDACCIÓN
Twitter: @Dendealimia
A Escola de Saúde Rural da Limia prepara un obradoiro para o vindeiro xoves onde a medicina natural será a protagonista. A actividade que será dirixida por Enma Pinedo Menéndez, médico naturista, homeópata e nutricionista holística, celebrarase na aula número 2 da primeira planta da Casa da Cultura de Xinzo de Limia entre as 16:30 e as 19:30 horas.
Os obxectivos deste taller serán, coñecer os mecanismos da nutrición desde o punto de vista da Naturopatía, descubrir as claves para manter un corpo mozo e cheo de vida e aprender a realizar a depuración corporal de primavera.
Todos os que desexen acudir deberán inscribirse previamente. Ou ben na propia Casa da Cultura, Planta primeira, aula número 2, en horario de mañá, entre as 10 e as 13 horas, ou ben enviando un correo electrónico ao enderezo escolaruraldesaudedalimia@yahoo.es.