A Escola de Saúde da comarca iniciou a súa viaxe por cuarto ano consecutivo na aldea de Morgade
REDACCIÓNTwitter: @Dendealimia
O Percorrido pola saúde da zona rural da Limia iniciou no lugar de Morgade a súa andadura por cuarto ano consecutivo divulgando consellos prácticos de hábitos saudables e educando en prácticas cotiás que melloran a calidade de vida. Esta iniciativa da Escola Rural de Saúde da Limia ten como finalidade segundo nos explicou a súa coordinadora, Lola Rico o achegamento aos profesionais sociosanitarios e a promoción da saúde descentralizando así as actividades que a Asociación ven realizando. Despois de Morgade esta acción continuará en Guntimil, Rebordechá, Parada e San Pedro.
Pero desta volta este percorrido comezou en Morgade, onde se impartiu o talle de Alimentación e enfermidades, que se dividiu en dúas xornadas nas que se abordou a importancia da alimentación e a prevención de enfermidades crónicas. Dirixiron este obradoiro farmacéuticos especialistas en nutrición como Yolanda Gómez e Pablo García Vivanco, ademais da titulada en enfermería Sonia Rodríguez Joga os que da man de Lola Rico están realizando esta labor altruísta na comarca. Unha labor que é posible grazas á colaboración do Concello de Xinzo, ás entidades sanitarias públicas e privadas e a moitos colaboradores, cuxo apoio queren agradecer desde a Asociación por axudarlle a dar atención á poboación que vive na zona rural.
