Estas Letras Galegas os limiaos colgarán unha placa na honra do mestre Ángel Cocho
Os seus fillos, José Ángel, María del Carmen e Federico estarán presentes nesta homenaxe que organiza a Concellería de Cultura
REDACCIÓN redac@dendealimia.com Twitter: @DendealimiaCoincidindo coa celebración das Letras Galegas, Xinzo quere homenaxear este 17 de maio a Ángel Cocho Ferrero, quen dirixiu durante máis de 20 anos o Colexio Santa Mariña. Con esta fin, contra as oito da tarde deste sábado, colgarase unha placa no auditorio da Casa da Cultura en presenza dos seus tres fillos: José Ángel, María del Carmen e Federico.
O colexio Santa Mariña foi para moitos veciños da vila e da comarca, durante máis dun cuarto de século, o referente educativo e cultural. Esta escola abriu a porta ao bacharelato a centos e centos de estudantes cando estes estudos superiores eran só privilexio daquelas familias que podían costear un internado en Ourense ou Vigo. Por esta razón, a Concellería de Cultura limiá decidiu organizar esta pequena homenaxe que terá coma broche final unha cea á que poderán asistir todos os que así ao desexen. Celebrarase nun restaurante da vila e o prezo será de 15 euros, así os interesados deberán inscribirse antes do venres pola mañá na Casa da Cultura, ou ben chamando aos teléfonos 988461442 ou 600 31 41 55.