viernes 3/12/21

Todo preparado para os máis de 150 postos, que virán a feira de mañá sábado 13 en Xinzo

Xa estarán incluídos, calzado, téxtil e comida

IMG_20200612_120513
Rúa Carmen Novoa

Na terceira feira de Xinzo dentro do estado de alarma, xa estarán representados todos os sectores habituais das feiras de  antes do Covid 19 .

NOVO EMPRAZAMENTO

Esta mañá a a Policía Local estivo delimitando as zonas onde se colocarán os postos, tanto na esplanada do Toural onde os postos manterán as distancias regulamentadas e ao longo das rúas Alexandre Bóveda e Carmen Novoa.

Esta nova localización, estará en vigor ata o final da pandemia, ou ata que haxa unha vacina, tal e como acordou nunha reunión Elvira Lama cos representantes dos postos fai dous días.

Valado do recinto e controis de entrada e saída

IMG_20200610_170554Tal e como se veu facendo nas últimas feiras membros de protección Civil e Policía Local manterán controis tanto a entrada como a saída do recinto, así como no seu interior, para que os visitantes e os propios feirantes manteñan as medidas de seguridade acordadas para esta fase e o futuro, cales son as de distancia de seguridade e uso de mascarillas.

DOUS METROS DE POSTO A POSTO

Outro dos acordos aos que se chegou na reunión foi o de que a separación entre posto e posto sexa de dous metros e seis ata o posto de fronte.Os feirantes comprometéronse así mesmo a reducir o tamaño dos postos nun 20%.