Máis de mil firmas para conservar as dúas enfermeiras en pediatría no PAC de Xinzo
A entrega fíxose da man do PSOE e veciños da Limia
A deputada provincial e Voceira Socialista no Concello de Xinzo, Elvira Lama, acompañada por varias veciñas , da Concelleira socialista Eva Oro, así coma da Deputada Autonómica Noela Blanco, presentaron ante o Rexistro do CHUO máis de 1.800 sinaturas para reclamar que non se deixe sen unha enfermeira ao servizo de pediatría de Xinzo.
Os socialistas sinalan que non cesarán ata que a Area de Xestión Integrada de Ourense reconsidere a súa decisión e manteñan unha enfermeira para cada pediatra. Elvira Lama mantén que "seguiremos animando ós usuarios, pais e nais, a que presenten reclamacións no centro ou outro tipo de accións no mesmo sentido para que, en ningún caso, se esqueza esta xusta reclamación".
Dende o PSOE queren deixar constancia de que o pleno aprobou por unanimidade unha moción para instar á Consellería de Sanidade,para que se manteñan estas dúas profesionais que atenden a tódolos menores de 14 anos da comarca da Limia.
Por todo isto e a través das sinaturas recollidas, esíxenlle ó Sergas que mude a súa decisión e que garantan así a calidade da sanidade no centro de saúde de Xinzo.