O mellor contador de historias de Galicia podería ser de Bande
Catro mozos do IES Aquis Querquennis foron seleccionados para o certame Tíralle da lingua
REDACCIÓN
Twitter: @Dendealimia
Catro mozos do IES Aquis Querquennis de Bande foron seleccionados para participar na última fase do certame de relato oral Tíralle da lingua, que se celebrará o 24 de abril en Santiago de Compostela. Deste concurso sairá o mellor contador de historias de tódolos centros educativos de Galicia.
Esta competición que xa chega á súa XIV edición, valora o relato de historias que destaquen pola súa calidade lingüística e o seu carácter construtivo e pedagóxico, que ademais poder proceder da cultura popular ou literaria, ou ben ser de creación propia. Victoria, Óscar, Ares e Anabel representarán á Baixa Limia con historias e contos da tradición popular da comarca e monólogos baseados na actualidade.