Minitractorada para pedir a volta da enfermeira de pediatría no centro de saúde de Xinzo
A protesta levouse a cabo na mañá do luns
As nais e pais da Comarca da Limia convocaron esta orixinal protesta para reclamar a volta da enfermeira ó servizo de pediatría. Consideran que a decisión da Consellería de Sanidade supón a perda de calidade na asistencia ós seus cativos.
Baixo a consigna "porque a sanidade é un dereito universal, porque non podemos dar pasos cara atrás, porque coa saúde das nosas fillas e fillos non se xoga", puxeron en marcha esta manifestación.
Montados en tractores infantís, patinetes ou bicicletas,os máis pequenos percorreron o treito comprendido entre a Praza da Ra, na rúa de San Roque, ata o centro de saúde de Xinzo de Limia. Acompañados por adultos, saíron a rúa para solicitar que non se xogue coa saude dos cativos na Limia.