viernes 27/5/22

Non haberá autovía a Portugal pola Baixa Limia

Medio Ambiente paralizou a segunda fase do eixo de comunicacións Ourense-fronteira lusa REDACCIÓN [email protected] Twitter: @Dendealimia A Xunta de Galicia anulou o proceso de...
28.1.2013 Autovia Celanova

Medio Ambiente paralizou a segunda fase do eixo de comunicacións Ourense-fronteira lusa

REDACCIÓN

[email protected]

Twitter: @Dendealimia

A Xunta de Galicia anulou o proceso de expropiación das fincas dos concellos de Verea, Bande, Entrimo e Lobios que se vía afectadas polo trazado da autovía a territorio luso. Cumprindo así co anunciado nun decreto autonómico do pasado mes de febreiro, que asegura que esta estrada “non cumpre ningunha función concreta”, polo que a súa ampliación ata Portugal non se producirá.

Cancélase pois o proceso de expropiación que se iniciara no 2009 e devolverase o que xa pasara a ser propiedade da Administración, aos seus antigos propietarios. Esta medida sorprendeu aos rexedores da Baixa Limia que agardan segundo declarou o alcalde de Bande, José Antonio Armada ao diario La Región: " que en canto a situación mellore a Xunta volva a apostar pola consecución da mellora viaria cara a Portugal".

Mala nova

No que todos os alcaldes dos municipios afectados das Terras de Celanova e a Baixa Limia é en que se trata dunha mala nova. A pesar de estar lindando co país veciño, as comunicacións con el precisan dunha mellora acuciante que polo momento no se producirá. O socialista Ramón Alonso, alcalde de Entrimo non ocultou a súa decepción e asegurou que é unha decisión que prexudicará os intereses de toda a comarca.

Comentarios