Non hai ningún caso confirmado en Xinzo-Elvira Lama

Con datos de esta mañá ás 12:00, Elvira Lama, alcaldesa de Xinzo, comunica que non hai ningún caso confirmado no noso Concello, segundo lle transmiten dende o Centro de Saúde de Xinzo. Son falsos polo tanto eses comentarios que onte “voaron” polas redes sociais.

Mañá comezarán unha limpeza con valdeo de rúas naqueles lugares mais concorridos, farmacias, supermercados, bancos e no propio centro de Saúde. Estamos mirando a posibilidade de solicitar algún camión de bombeiros e mesmo da Deputación Provincial.

Elvira Lama manifesta que “este traxe, nos ben grande a todos, e témonos que ir adaptando a segundo as necesidades. Estamos intentando de subministrar de traxes, mascarillas dentro das posibilidades ao noso persoal. Xa se entregaron as que tiñamos ao persoal de axuda a domicilio, e a todos os que teñen que traballar en primeira liña, pero todos debemos saber que en moitas ocasións isto non depende de nos.

Ata o día de onte a Policía Local informoume que todo estaba marchando coa normalidade dentro do estado de Alarma , e dende aquí, como alcaldesa pídolle a todos os veciños e veciñas que non saia da casa si non é imprescindible.

CONTACTO COS PEDÁNEOS E ASOCIACIÓNS

Continuou dicindo a alcaldesa que se está en contacto a traveso de Protección Civil con todos os pedáneos e asociacións de veciños, informando dos teléfonos de urxencia que o Concello ten a disposición da cidadanía.