As Pantallas luciron os seus traxes polas rúas de Compostela

Ás 13h do mediodía daba comezo o desfile dos Entroidos de Galicia que partiu dende a praza do Obradoiro de Santiago de Compostela. As Pantallas deixaron ó público encantado cos seus traxes e a súa danza. Saíron acompañados por un grupo de gaiteiros da Limia.

Algún visitante da Limia mesmo estivo a piques de ser levado a un bar para pagar unha ronda como manda a tradición.

Epectación máxima en Compostela tras o paso dos Entroidos de interese Turístico do país. Entre eles o de Verín, Viana do Bolo, Cobres, Maceda, Ribeirao ou os Xenerais do Ulla.

Tras percorrer as rúas da zona vella da cidade, o desfile rematou na monumental praza do Obradoiro onde as Pantallas colleitaron éxito. Moita xente quixo sacarse unha foto con elas mesmo algún rostro recoñecido como o do ex xogador de baloncesto, Fernando Romay.