Piden nove anos de prisión para un veciño de Trasmiras por agredir sexualmente á súa irmá
O acusado asegura que se trata dunha denuncia falsa por vinganza
REDACCIÓN redac@dendealimia.comA culpa de todo tena o reparto da herdanza familiar. Iso é o que asegura un veciño de Trasmiras para quen o fiscal pide ata sete anos de prisión por un presunto delito de intento de agresión sexual contra á súa irmá. O acusado asegura que a denuncia é falsa e que a súa irmá móvea a vinganza tras non quedar conforme coas fincas que lle tocaron.
A pesar destes argumentos polos que a defensa pide a libre absolución, a fiscalía solicitou no xuízo celebrado onte a porta pechada, nove anos de prisión para o acusado. A vista contou coa testemuña de axentes da Garda Civil, familiares da vítima e forenses que quixeron resaltar a existencia dunha suposta discapacidade intelectual da denunciante. O xuízo no que non se formulou acusación particular quedou visto para sentenza.
Imaxe destacada: Vista do Concello de Trasmiras.