viernes 27/5/22

Os limiaos máis novos puideron saudar ás Súas Maxestades de Oriente na audiencia que ofreceron esta tarde na Praza Maior de Xinzo

MARÍA FERNÁNDEZ ROMERO

[email protected]

Portástesvos ben este ano? Seguro que si, así que xa sabedes, eses zapatos ben limpiños debaixo da árbore que mañá algo ha caer, e cun pouco de sorte, o que pedistes nas vosas cartas. Porque os Reis Magos xa están aquí.

Desde o máis afastado Oriente viaxaron un ano máis para acudir, entre outros moitos compromisos, ata a Praza Maior de Xinzo a unha audiencia esta tarde cos pequenos da comarca. Un monte de cariñas cheas de ilusión, expectación e algunha tamén de susto, miraban sen quitarlles o ollo de enriba a Melchor, Gaspar e Baltasar. Pacientemente, os cativos que abarrotaban a praza, agardaron cadansúa  quenda para saudalos, e sobre todo refrescarlles a memoria sobre as súas peticións. Ao fin, na Limia hai moitos nenos e eles non son máis ca tres. Pero vaia tres!

Por fin chegou a fin de semana máis agardada polos máis novos da casa, así que non vos esquezades de deixarlle un refrixerio, que veñen de moi lonxe e esta noite teñen moito traballo por diante. Deitarse cediño, e seguir portándose ben non vaia ser que dean a volta. E se traen carbóns, que sexan doces!

Comentarios