Román Rodríguez inaugura o curso de ESO e bacharelato no IES Lagoa de Antela

lagoa1
Román Rodríguez inaugura o curso de ESO e bacharelato no IES Lagoa de Antela

O conselleiro de Cultura, Eduación e Ordenación Universitaria visitou o IES Lagoa de Antela con motivo do inicio do curso para o alumnado de ESO e bacharelato. Román Rodríguez visitou as instalacións onde a Xunta vén de invertir 33.000 euros para construír unha pasarela de acceso ó edificio principal así com melloras no telladao de Secundaria. Quedan por rematar as obras para impermeabilizar as fachadas do edificio pero os traballos non van interferir no desenvolvemento do curso.

lagoa2

O conselleiro estivo acompañado polo director do centro, Manuel Grande, o rexedor de Xinzo, Antonio Pérez,concelleiros municipais e profesores. A comitiva completouse co director xeral de Educación, Manuel Corredoira; o secretario xeral técnico da Consellería, Jesús Oitavén; o director xeral de Centros, José Manuel Pinal; a secretaria territorial da Xunta en Ourense, Silvia Dorado e a xefa territorial na mesma provincia, Mercedes Gallego.

lagoa

Os asistentes visitaron unha aula de 2º da ESO e poideron comprobar de primeira man que a volta ó curso faise costa arriba. Alí escoitaron propostas do alumnado como reducir as horas de clase a dúas por día ou mesmo eliminar algunha que outra asignatura como as matemáticas. Tampoco faltaron as peticións ó alcalde de Xinzo como unha tirolina ou un parque acuático.

Román Rodríguez quixo mandar unha mensaxe de tranquilidade ós alumnos de 2º e 4º de ESO e de 2º de Bacharelato que arrancan o curso coa implantación da LOMCE. Neste senso o conselleiro reiterou a súa demanda ó MInisterio para que a avaliación final de etapa de ESO non teña repercusión académica no expediente do alumnado e non contabilice para a obtención do título.