28 de decembro de 2013. A Sta. Sede fixo público que o Santo Padre Francisco nomeou Bispo Auxiliar da Archidiocese de Valencia ao Crego ourensán D. JAIME COLLAZO BÓVEDA, ata o de agora vicario parroquial en Xinzo de Limia, asignándolle a sede titular de Tabernam.
BIOGRAFÍA:
Nado o 19 de febreiro de 1959 na Santísima Trinidad de Ourense. Cursou estudios no seminario menor e maior de Ourense, sendo ordenado o 4 de outubro de 1986. Posteriormente, obtivo a licenciatura en estudios eclesiásticos na Universidade de Santiago de Compostela. No ano 2000 especializouse en novas tecnoloxías, levándoas á práctica nos actos litúrxicos acompañado sempre pola súa tablet,(abandonando o mítico en ancestral misal) sendo así un referente para os clérigos da comarca. A partir do ano 2003, realizou os cursos de doutorado en espiritualidade sobre os seminarios conciliares, na Universidade Gregoriana de Roma guiado polo M.I.SR. D. José Pérez Domínguez.
O seu ministerio sacerdotal desenvolveuno na diocese de Ourense como párroco de Vistahermosa, Calvos de Randín, Bóveda de Limia e padre espiritual no seminario maior de Ourense. Durante a súa traxectoria sacerdotal impartiu numerosos retiros e exercicios espirituais especialmente a vida monacal.
Na actualidade é vicario parroquial e moderador do arciprestazgo de Xinzo; profesor de relixión no IES Lagoa de Antela, colaborador das revistas SEMENTAR, DOVELA e AURIENSIA así como membro da redacción de PASTORALIA.
Este será o segundo nomeamento episcopal no mesmo ano para a Limia. Dúas glorias do clero ourensán: a do Padre Carballo, natural de Lodoselo e a de D. Jaime que reside na súa casa solariega de Morgade. Dende a visita do franciscano para recibir das mans do Pte. da Xunta o premio Ourensanía , os rumores de este nomeamento, eran frecuentes nos ambientes eclesiásticos da Limia.
O Vicario Xeral da Diocese de Ourense, párroco que foi de S. Pedro de Laroá (Xinzo) entende agora porque nos últimos nomeamentos de cóengos non figuraba o nome do agora nomeado bispo.
