O temporal resucita a lagoa de Antela e provoca a caída dun muro no antigo pavillón de Lobios
Neste concello da Baixa Limia a chuvia e a neve derretida procedente da montaña provocaron o desbordamento do río Caldo
REDACCIÓN redac@dendealimia.comO temporal Qumaira volveu asolagar as terras da lagoa de Antela. A chuvia constante destes días castiga aos agricultores da comarca da Limia, sen deixalos entrar nas súas parcelas dificultando así mesmo o seu traballo nas explotacións agropecuarias. Na veciña Baixa Limia, no termo municipal de Lobios, a furia do vento tiraba cun dos muros do antigo pavillón, hoxe garaxe. En previsión da chegada de Ruth o GES do Concello afanouse en mellorar a seguridade do lugar, acordoándoo e baleirando a nave.
E tamén en Lobios, as abundantes precipitacións desta semana, unidas á neve derretida provinte das montañas fixeron que o río Caldo se saíse da súa canle, cubrindo de auga a zona do paseo e a área termal.
Institutos anegados
Onte a auga chegaba ata os nocellos nos dous institutos de Xinzo. O forte azoute de Qumaira asolagaba a entrada e o salón de actos do IES Lagoa de Antela, e o patio do Cidade de Antioquía.