Todo apunta ao cese do sarxento de Bande, pero haberá que agardar ao peche do expediente
A Garda Civil fala da súa incapacidade para manter relacións coas autoridades locais como o motivo do traslado
REDACCIÓN
Twitter: @Dendealimia
Aínda non hai nada oficial, pois ata que o expediente aberto contra José Manuel Grande sarxento da Garda Civil de Bande finalice o seu traslado non poderá facerse efectivo, pero todo apunta a que se producirá en canto estas barreiras administrativas o permitan. Segundo fontes próximas ao Instituto Armado, a razón que se alega podería ser o rexeitamento por parte dos veciños pola súa incapacidade para manter relacións coas autoridades locais, neste caso o alcalde da vila José Antonio Armada e o deputada popular Ana Belén Vázquez.
Ademais, nun informe redactado polo tenente coronel xefe ourensán no que este analiza o comportamento do seu compañeiro nos últimos tempos, asegura que a pesar de non ter cometido ningunha ilegalidade, si recoñece un exceso de celo na súa labor. Este mando da Benemérita tamén recalca que a actitude de Armada e Vázquez más ben parece que se quixese manipular a actuación do Corpo crispando á poboación en contra da Garda Civil.
Finalmente, o seu enfrontamento a veciños e clase política que se iniciou a finais do ano pasado cun notable aumento nas sancións, e un tirón de orellas en forma de moción por parte do Concello, podería custarlle o traslado a Grande.