Xinzo Adiante celebrou o seu magosto
00:17 04/12/17
00:17 04/12/17
A formación política limiá celebrou o seu xa tradicional magosto no Campo da Feira de Xinzo de Limia.
A formación política asemblearia Xinzo Adiante, celebrou o seu magosto na fría noite do sábado, día 2 de decembro. O lugar escollido pola terceira forza política da capital da Limia, foi o Campo da Feira, ao igual que en anos anteriores.
Algo máis de medio cento de persoas se achegaron ao festexo, que estivo acompañado de churrasco, bos chourizos e –como non podía ser doutro xeito– castañas en abundancia.
Os tres concelleiros –Manuel, Xosé Miguel e Francisca– estiveron acompañados por decenas de militantes e simpatizantes da formación.
O frío non foi impedimento para que Xinzo Adiante fose quen de reunir a máis xente que en anos anteriores.