O líder dos populares galegos destacou del o seu compromiso co partido e con Xinzo, definíndoo como unha persoa traballadora, con bo talante e con capacidade de traballar en equipo. Calidades fundamentais, asegurou, para conseguir a maioría absoluta o próximo 28 de maio e gobernar desde o minuto un.
Pola súa banda, o presidente provincial recordou que o PP é o partido que sempre gañou as eleccións en Xinzo, pero “un pacto de perdedores unidos nun estraño experimento de nula utilidade” impediu á formación gobernar. De aí que apuntase a que o 28 de maio os veciños deberán elixir “entre a estabilidade que da o goberno maioritario do PP ou ese conglomerado de partidos que en nada beneficiaron a Xinzo”.
UNHA CANDIDATURA SOLVENTE E PREPARADA PARA GOBERNAR
Antonio Fernández presenta unha candidatura solvente e preparada coa que volver gañar as eleccións e ofrecer aos seus veciños o goberno serio e coherente que necesitan. De feito, o seu equipo combina a experiencia do exconcelleiro e deputado autonómico Carlos Gómez Salgado e unha renovación de máis do 80% nunha lista que está integrada por máis mulleres que homes.
O candidato ten como eixos do seu programa o fomento do emprego, a mellora dos servizos sociais, o desenvolvemento do medio rural ou o apoio á cultura. Neste sentido cómpre salientar algunha das súas propostas, como a creación dun viveiro de empresas para o apoio ao emprendemento, a construción dunha nova residencia de maiores, a posta en marcha de plantas de tratamento dos xuros para a transformación e aproveitamento dos residuos ou a construción dun novo auditorio municipal.
