Comezou a novena da Virxe da Sainza
Todos os días as 19:30 dende o 15 ata o 23 de setembro
PRELUDIO Á FESTA DA SAINZA
Todas as tardes dende o día 15 e ata o 24 os ferigreses devotos da Virxe da Saínza teñen a oportunidade de seguir a novena na capela , que se atopa no pobo do mesmo nome do concello de Rairiz de Veiga.
As celebracións especiais na honra da Nosa Sra. da Saínza serán o día 23 a mesma hora coa celebración dunha misa solemne na igrexa de Rairiz á que chegará a imaxe en procesión procedente da capela.
O DOMINGO 24 É O DÍA GRANDE
Como toda a Limia, e mais aló saben, o 24 celebrarase o día grande da virxe da Mercé. A partir das 10:15 haberá misas na capela da Saínza .
As 11:30 sairá da igrexa de Rairiz de Veiga a procesión coa Virxe ata o campo da festa da Sainza, onde se levará a cabo a misa solemne as 12:30, para despois , segundo manda a tradición, acompañar ós cristiáns na batalla que os enfrontará ós Mouros no campo da festa.
Unha vez rematada a batalla a virxe voltará en procesión ata o seu emprazamento habitual da capela da Sainza.