Medio Ambiente adxudica por máis de 70.000 euros as obras de mellora e humanización de dúas prazas en Rairiz de Veiga

A Consellería de Medio Ambiente, Territorio e Vivenda acaba de adxudicar por un orzamento de 72.503,38 euros as obras de humanización e mellora de varias prazas públicas no concello ourensán de Rairiz de Veiga.

Cun prazo de execución previsto de tres meses, os traballos centraranse no núcleo de Rairiz, capital do municipio, e máis concretamente nas dúas prazas principais, localizadas na contorna dalgunhas das infraestruturas e edificios públicos máis relevantes como a Casa do Concello, o centro de saúde, o centro de día, a gardería e o colexio Antonio Vázquez.

Os traballos a acometer consistirán en rexenerar e pavimentar estas zonas en función do estado actual que presentan, mellorar os acabados, e renovar as infraestruturas de abastecemento ca instalación de novas tubaxes ou arquetas. Tamén se construirán beirarrúas para facilitar a tránsito dos peóns e o achegamento das infraestruturas urbanas aos veciños, creando espazos públicos que dean resposta ás súas necesidades actuais, e mellorarase tamén a zona de aparcamento, na que se renovará o pavimento.

En definitiva, a intervención sobre ambas prazas xustifícase co fin de dotar ao municipio dun equipamento de infraestruturas mínimo e acorde ás necesidades da veciñanza, para mellorar a súa calidade de vida e benestar ao tempo que se fomenta a conservación