domingo. 27.11.2022

Morre tras caer co seu vehículo ao río Limia en Rairiz de Veiga

Un home perdeu a vida este sábado ao caer co vehículo ao río Limia, na estrada próxima á Saínza de Abaixo en Rairiz de Veiga.

Sobre as 09:45 horas o 112 recibíu o aviso do accidente a través da Garda Civil, que alertaba da caída ao río Limia dun turismo, na estrada próxima á Saínza de Abaixo en Rairiz de Veiga.

Os operadores do Centro Integrado de Atención ás Emerxencias, mobilizaron ata o punto aos bombeiros de Xinzo de Limia e a Protección Civil da localidade, así como aos servizos sanitarios.

Foi ás 10:45 horas cando se conseguíu acceder ao vehículo pero xa nada se puido facer por salvar a vida do condutor e titular do coche, un home de 43 años veciño de Rairiz de Veiga.

Para sacar a vítima do interior do vehículo foi necesaria a intervención dos bombeiros, que realizaron labores de excarceración. Non tiña posto o de cinturón de seguridade e os servizos de emerxencia comprobaron os arredores do sinistro para certificar que non había máis persoas implicadas no accidente

Morre tras caer co seu vehículo ao río Limia en Rairiz de Veiga