jueves 28/10/21

Visita turística e privada a Rairiz de Veiga

A Xefa Territorial de Educación e Cultura  Mercedes Gallego  acompañada de amigos, a maioría do seu departamento, visitaron na tarde do martes diversas igrexas  e casas reitorais da Limia

Visita Xefa teritorial a Rairiz2

Actuando como cicerone da visita, o letrado Limiao,  Delfín Caseiro , esta   comezou cun xantar nun coñecido restaurante da rúa dos viños de Xinzo, para despois dirixirse ata a “Carballa da Rocha” para repoñer as enerxías que ían a dilapidar perante toda a visita.

RETABLO DE RAIRIZ DE VEIGA

 A seguinte parada foi para visitar a Igrexa parroquial de S.Xoán de Rairiz,   que alberga uns dos retablos máis impresionantes da comarca. Neste momento uniuse a comitiva, totalmente privada, o párroco de Rairiz D. J.Emilio Casal Selas , o cal deulle boa conta a Xefa sobre as bondades do espectacular retablo do século  XVIII ,  obra de Francisco de Moure e José Seguín  este último nado ó  pé da igrexa. . Non obstante Mercedes, cuxa adicación a arte é realmente a súa profesión, fixo reflexionar ao párroco, que a peza  máis importante da igrexa, non estaba no retablo Maior, se non nunha Virxe que se atopa nun dos retablos laterais que é unha peza moi pequena, pero de orixe románica.

Visita Xefa teritorial a RairizRematada a visita a Rairiz, onde tamén “tiña moito que dicir”, o Sr. Caseiro,  entre outras cousas confesou que el fora sancristán desa  igrexa.  A  “comitiva”, dirixiuse ata Guillamil, onde tamén o mesmo párroco presume do retablo da “última cea”.

Finalizaba a visita á parroquia de Sta. Baia de Berredo, neste caso no Concello de  A Bola, quedando sorprendidos co retablo barroco de “Castro Canseco”, o canastro único na súa categoría e a impresionante reitoral , que noutro tempo foi Priorato do mosteiro de Celanova.

Nin que dicir ten que os ilustres visitantes gozaron dunha tarde repleta de arte románico, manierista e barroco.  E como non, D. J.Emilio, tamén presumiu das súas  administracións parroquiais, e coñecéndoo, supoñemos que aínda que a visita era totalmente privada e turística aproveitaría a ocasión para que a Xefa Territorial tomara conta da situación deste patrimonio, que seguro necesita algún arranxo.  

Comentarios