domingo 22/5/22
Orzamentos

O alcalde de Sandiás vinculará a aprobación dos orzamentos a unha moción de confianza

O rexedor limián vinculará a aprobación dos orzamentos do 2017 a unha moción de confianza. Se a perde, os grupos da oposición disporán dun mes para presentar un rexedor alternativo que tome as rendas do concello.

Felipe Traveso
Felipe Traveso no día do seu nomeamento como alcalde de Sandiás.

Felipe Traveso, rexedor de Sandias por AGRELSAN, anunciou hoxe que se someterá a unha moción de confianza ligada á aprobación dos orzamentos do ano 2017. Tras perder a votación dos orzamentos hai apenas unhas semanas co voto en contra de todos os edís da oposición mais o do Grupo Mixto, Traveso someterase á confianza do pleno nos próximos días.

O resultado desta votación é incerto. No caso de que o rexedor supere a votación, permanecerá no posto e os orzamentos ficarán automaticamente aprobados. Así memos, no caso de que sexan máis os votos en contra que a favor, os edís da oposición disporán do prazo dun mes para propór un candidato alternativo a presidir a corporación municipal. No caso de que os grupos opositores se poñan de acordo e presenten un candidato nese tempo, Traveso cesará como rexedor de Sandiás e este municipio terá un novo goberno municipal. 

Pola contra, de non haber acordo entre os grupos opositores e de non presentar candidato nos tres días posteriores a ter perdido Traveso a moción de confianza, de novo quedarían os orzamentos do 2017 aprobados automaticamente e Traveso seguiría sendo alcalde.

O mecanismo é similar ao dunha moción de censura nas cámaras lexislativas e non é a primeira vez que ocorre en Galicia. O rexedor da Coruña pola Marea Atlántica, Xulio Ferreiro, someteuse hai pocas semanas a unha moción de confianza polo mesmo motivo. Agora atópase á espera de que os PPdeG e PSdeG presenten a una candidato alternativo, cousa que non semella que vaia ocorrer.

Traveso afirmou que fai isto "polo ben do meu concello". "Entendo que temos que ter un orzamento para levar adiante o concello", afirma o rexedor actual. "Non podemos estar sempre cos presupostos do ano 2015 pois todos os veciños temos dereito a ter un concello áxil". No ano 2015 os orzamentos eran de arredor de 750.000 € e os do 2017 presentados polo goberno local son de 920.000 €". "Non podemos estar con un presuposto menor do que realmente podemos ter por capricho dos partidos da oposición", declarou Traveso.

"Se presentan candidato pasaremos á oposición e se non a presentan eu estarei sempre traballando polos veciños, pois a iso me comprometín e así o farei", conclúe o alcalde.

O alcalde de Sandiás vinculará a aprobación dos orzamentos a unha moción de confianza
Comentarios