Manuel Traveso expón na Casa de Cultura en Sandiás
No marco do Verán e Outono Culturais 2021, o Concello de Sandiás vén de programar a exposición de 25 láminas de Manuel Traveso coa técnica da pluma estilográfica.
Manuel Traveso Santana, natural de Vilariño das Poldras (Sandiás), topógrafo, delineante, mestre Industrial, formado na Escola de Artes e Oficios de Santiago de Compostela e posteriormente graduado en Deseño na Escola de Arte Antonio Faílde de Ourense, comeza a desenvolver a súa obra a partir de 1990, desde o compromiso coa súa xente, o seu contorno e coa tradición máis próxima vivida.
A exposición divídese en tres series (os viziños, os paseios e os labores) relacionadas directamente con tres conceptos (o agarimo, a beleza e a vontade) que pretenden agrupar os motivos que inspiraron ao autor a retratar un mundo intimista, próximo e cotián dunha realidade xa vivida e que non volverá.
A exposición estará na casa de Cultura de Sandiás entre o 6 de Agosto e o 31 de Agosto e pódese visitar todas as tardes entre 4.00 h e 8.00 h. A inauguración da mesma terá lugar o venres, 6 de Agosto ás 8.30 da tarde na Casa de Cultura de Sandiás.