miércoles. 06.07.2022

"Nin unha menos", o mural de Sandiás pola igualdade

Sandiás, de novo polo camiño da igualdade: ningún dia do ano cansarémonos de dicir “nin unha menos”
Sin título

Xa está  terminada  unha das  primeiras actividades  do programa «Verán- Outono Cultural Sandiás, 2022. ”Por  terceira vez consecutiva o  Concello de Sandiás  quere visibilizar a Violencia de  Xénero  nun mural creado polo artista  de Sandiás, Roberto Otero. A creación da obra artística está situada nas bancadas da pista polideportiva  ao  carón  do Albergue de Peregrinos.

A  lenda “ Nin  unha menos” é unha consigna que deu nome a un movemento feminista xurdido en 2015 e que constituíu un berro colectivo contra as persoas que mutilan,  invisibilizan e negan o dereito de vivir unha vida libre de violencias.

Roberto, o propio creador do mural  indícanos que en relación coa parte técnica “ foi un reto crear algo que  encaixara de tal maneira que a bancada pasase a un segundo plano.  Escollín  unhas  cores  moi equilibradas entre si para crear  armonía e paz. Decidinme por un azul ultramar para o texto e estampado  co  obxeto de resaltar o máximo a  lenda. “ A moza da  esquerda representa eses momentos tan duros que  as vítimas da violencia machista viven,  fronte a moza da  dereita que representa un  novo “ eu”  despois da esperanza e o  apoio que os colectivos brindan  as vítimas”.

En relación  co  transfondo  ideolóxico  do mural, o creador destaca que “todas e todos debemos  facer un gran  esforzo por combater a secuela machista.  Sempre  penso que a evolución como especie retárdase en parte por os sucesos de Violencia de  Xénero”. Como dicía  Mahadma  Gandhi, “os cambios da  verdade e  do amor  sempre triunfaron o  longo da historia e os malos e tiranos crense invencibles pero sempre terminan caendo”.