Sandiás reuniu a máis de 300 persoas no seu magosto
Felipe e Salva foron os mestres de cerimonia
Como ven sendo xa tradición, nestas datas o concello de Sandiás chama aos veciños a celebración do magosto.
Churrasco, chourizos, castañas e bica con chocolate son os ingredientes da noite, sen esquecer o fin do magosto cunha queimada de máis de 10 Lt. de augardente.
OS FOGÓNS SON COUSA DE SALVA E A QUEIMADA DE FELIPE
Como soe ser habitual nos magostos multitudinarios da comarca as brasas están a cargo de Salva, canto máis estes que se celebran no seu concello. De todo o resto, ata de servir o chocolate e por suposto facer a queimada encargase Felipe Traveso. Nesta ocasión e como non podía faltar a música, esta foi posta pola Murga Achicoria.
Tamén os máis pequenos tiveron inchables para pasar o rato antes e despois do chocolate.
