Visita as areeiras da Sandiás e ao Centro de Interpretación da Lagoa de Antela

Visita as areeiras da Sandiás e ao Centro de Interpretación da Lagoa de Antela
17 veciños de Pontevedra, Ponferrada e Ourense visitaron o Centro de Interpretación da Lagoa de Antela e as Areeiras de Sandiás o pasado sábado 1 de Abril

A actividade estivo organizada polo colectivo #AmigasdasCegoñas (asociación de voluntariado e ciencia cidadá) e colaboraron #EcoloxistasenacciónGaliza. Tamen houbo representantes de “Sustinea” (asociación non lucrativa que fixa o desenvolvemento sostible como alternativa á degradación do entorno natural ).

A visita guiada na Casa da Lagoa foi intensa e tivo unha duración de preto de dúas horas. A primeira parte levada acabo polo concelleiro de cultura Pepe Gándara tivo relación coa exposición permanente. Introducíronse na Lagoa de Antela por medio de reproduccións de cartografía e imaxes históricas e informáronse dos proxectos de desaugamento da Lagoa. Visionaros tres proxeccións sobre a xeografía dos palafitos pobos dos Límicos e o valor ecolóxico da Lagoa de Antela. Pasáronlle revista a diversas lendas sobre a Lagoa asolagada e elementos etnográficos varios. Tamén puideron analizar as economías perdidas da Lagoa (recolección de ovos, caza de aves, comercio de rás e explotación de samesugas con fins médicos). Por último visionaron paneis expositivos sobre as aves e a fauna da primixenia Lagoa de forma libre.

foto 1. portada
Visita ao Centro de Interpretación da Lagoa

A introdución ás areeiras de Sandiás, intentou por en valor as areeiras como patrimonio xeolóxico-mineiro como patrimonio natural e como patrimonio etnográfico. En relación co primeiro falouse da xeomorfoloxía das areeiras, dos períodos de explotación e dos sistemas de explotación industrial. En relación co patrimonio natural destacouse de modo sintético a biodiversidade das charcas e por último tratouse o patrimonio etnográfico, profundizando nas características dos palafitos do ambiente lacustre e das arquitecturas en terra, especialmente visibilizadas nas palleiras de terróns.

339428504_580205904059264_7107948656421302630_n
Visitantes a saída do centro de interpretación

A segunda parte da visita guiada baixo a animación e excelente dominio da zona por parte de #NancyBlanco, coordinadora de Amigas das Cegoñas, tivo un enfoque máis práctico xa que visitaron “in situ” as Areeiras no territorio que corresponde ao Concello de Sandiás. A andaina por esta paraxe é unha auténtica gozada para o disfrute dos sentidos. Concretamente visitouse o Observatorio de aves 1 (reproducción dun Palafito lacustre) e o Observatorio de aves 2 (Casa dos Terróns, exemplo de arquitectura tradicional sustentabel en terra). Ademáis fixeron prácticas varias de observacións de aves coa utilización de guias, prismáticos e láminas didácticas para identificar as distintas aves e valorar a biodiversidade existente.

Cecais nun futuro próximo estas pezas dispersas ou como alguén lle chamou “o minifundismo da auga”, poidan volver configurar un novo humidal artificial herdeiro do xa mítico sistema lagunar natural denominado lago Beón.

Faltou tempo para expoñer algúns proxectos de intervención e mellora na zona, entre outros: o roteiro de avistamento de aves realizado polo Concello de Sandiás, o proxecto da “Poza dos Arieiros” e “Poza das Conícoras” pola SGHN ( Sociedade Galega de Historia Natural), o proxecto de recuperación de dúas areeiras polo Proxecto Life Rexenera Limia e as intervencións más antigas levadas a cabo pola Dirección de Patrimonio da Xunta de Galicia.