Os 12.000 Kg. de axuda de Xinzo e Carballiño xa están camiño de Polonia
Carlos García Fabio Montalván e Javier Vázquez serán os encargados de levar o cargamento ata a fronteira de Polonia con Ucraína.
Pasadas as nove da mañá o camión fletado pola Asociación de Empresarios do Polígono de Xinzo e cargado con 32 palés de roupa, comida e medicinas partiu do polígono de Xinzo ata un lugar que a Cruz Vermella Internacional (Polonia) ten preparado a 10 Km da fronteira con Ucraína.
TRES DÍAS DE RUTA DE IDA
Carlos García, propietario da empresa do camión que transporta o envío humanitario aportado polos veciños de Xinzo e Cáritas do Carballiño, será o “notario” que dea fe, de que a valiosa mercancía que transportan sexa entregada en lugar seguro.
NERVIOS POLOS QUE QUEDAN
Minutos antes da partida Carlos explicábanos que van 3 choferes, un deles ao chegar a Burgos, dará a volta e os outros dous continuarán ruta cunha parada de 9 horas por terras alemanas e esperan chegar a ao punto de descarga, coordinados por Cruz Vermella de Polonia o venres tarde noite.
Confesa que de momento non ten nervios, en tal caso, seguro que os terá, pero non por eles, se non pola preocupación que teñan as familias que quedan.
REPRESENTANTES DE XINZO E CARBALLIÑO
Estiveron presentes na saída do camión a alcaldesa de Xinzo Elvira Lama, acompañada do concelleiro de Servicios Sociais Alberto Martínez, membros de protección Civil de Xinzo, directivos da asociación de empresarios de Xinzo (organizadores do transporte e loxística) así como membros de Cáritas Carballiño.