O 3 de xullo comezará unha nova edición do Campamento CDR O Viso
Organizado polo CDR O Viso e promovido pola Consellería de Política Social e o Ministerio de Sanidade
Dende o vindeiro día 3 de xullo e até o día 9 do mesmo mes desenvolverase en Lodoselo unha nova edición do Campamento CDR O Viso. Nenos e nenas de entre 4 e 12 anos realizarán, coordinados por un equipo de monitores de ocio e tempo libre, actividades na natureza, roteiros de orientación, obradoiros, actividades deportivas e moitos outros xogos.
Este campamento terá dúas modalidades.
Organizado polo CDR O Viso e promovido pola Consellería de Política Social e o Ministerio de Sanidade, este campamento terá dúas modalidades: unha a tempo completo con pernocta e outra de 10:30 a 17:30 horas –con xantar, merenda e transporte dende Xinzo de Limia incluídos.