9ª EDICIÓN DO PERCORRIDO DA SAÚDE POLA ZONA RURAL
A PATACA COMO PROTAGONISTA
A Asociación Escola Rural de Saúde dá Limia, entidade sen ánimo de lucro de iniciativa social comunitaria, retomou o “Percorrido da saúde pola zona rural de Ourense" nesta 9ª edición con talleres divulgando formación sobre alimentación, gastronomía e hábitos no rural, sempre co enfoque de mellorar a calidade de vida das persoas. É o obxectivo principal potenciar a cultura da gastronomía da zona, a diversidade de alimentos, rescatar pratos típicos e técnicas culinarias saudables, tradicionais, poñendo de relevo os valores nutricionais da alimentación tradicional da zona, abordando a importancia do consumo de alimentos de tempada e a posta en valor de produtos autóctonos.
Este ano será a pataca á que se lle dará o protagonismo, da que se falará como produto con indicativo de calidade, que, neste caso é Indicación Xeográfica Protexida (IGP), así como da importancia de produtos de proximidade, tanto para o consumidor pola garantía de orixe e calidade como para os produtores pola importancia que economicamente ten na comarca. Será o Consello Regulador da IGP " Pataca de Galicia" o encargado de trasladar esta información á poboación dentro dos diversos talleres que a asociación organiza.
A apertura do “Percorrido” levouse a cabo en Sarreaus , onde o Profesor Manuel Mandianes, antropólogo e membro do CSIC compartiu cos asistentes os seus coñecementos e experiencias en relación aos costumes sociais e a alimentación e , doutra banda, é Pablo García Vivanco, Licenciado en Farmacia e Máster en Nutrición quen informa sobre os hábitos de alimentación saudable e os produtos autóctonos galegos, así como a importancia que a Dieta Atlántica está a adquirir na alimentación equilibrada.
Este 9º Percorrido terá continuidade, como en edicións anteriores, en diferentes concellos da Limia finalizando na Casa da Cultura de Xinzo de Limia.
O apoio de Concellos da comarca, a Deputación de Ourense e Coren co seu involucramento nas necesidades do rural, así como o de asociacións e voluntarios fan posible o labor de Escola Rural de Saúde dá Limia, a cal focaliza no rural os seus programas de promoción, prevención e educación para a saúde.