Abriu a exposición fotográfica “Carlos Casares e a fotografía”

27 instantáneas e unha múltiple conforman a exposición que onte abriu no Casino Antelano e que forma parte de tódolos actos que xa se veñen celebrando na vila para celebrar o ano de Carlos Casares e das Letras Galegas 2017.

Esta é a primeira mostra que recolle fotografías tiradas polo propio Casares e outras nas que el mesmo aparece fotografado , en moitos casos incluso disparando fotografías ou en relación con aparellos fotográficos

Dous son os grandes apartados que conforman esta exposición , asegundo indica o folleto da mesma. O retrato-con inclusión do autorretrato- ademais de retratos familiares, así como retratos denominados de viaxe.